شاهد ماذا قال السيسى للاقباط ورساله قويه جدا لمرسى والاخوان

قال إن المصريين لو أردوا التغيير فسيغيروا 

السيسي: متخافوش على مصر 

 

 الفريق عبدالفتاح السيسي

بوابة الوفد – متابعات: منذ 4 ساعة 55 دقيقة 
وجه الفريق أول عبدالفتاح السيسى وزير الدفاع – القائد الأعلى للقوات المسلحة التهنئة للاخوة الأقباط بمناسبة أعيادهم قائلا: "مش عاوز أنسى أقول لأهلى المسيحيين كل عام وأنتم بخير، وأنا عاوزكم توجهوا التحية لمصر".
وأضاف خلال كلمته التي ألقاها ضمن احتفالية عيد تحرير سيناء: "عاوز أقول كلمتين صغيرتين عن الجيش، الجيش المصرى، وطنى عظيم وشريف أوى وصلب أوى صلابته جايه من شرفه، لاتقلقوا أبدا على بلدكم مصر، وفرصة أقول أن المصريين لما أرادوا التغيير غيروا الدنيا كلها، لما جيش مصر نزل حماكم، وقعد 18 شهرا، إيده لم تمتد، خلوا بالكم من هذا الكلام جيدا، إحنا إيدينا تنقطع قبل ما تمسكم، من 3 أسابيع أقسمت قسم ياريت كلكم تكونوا سمعتوه، أنا قلته عشان كل مصرى قاعد فى بيته يكون مطمئن".
واستكمل السيسي قائلًا: "كان فيه 150 ألف جندى فى الشارع، احنا كنا نناضل من أجل عدم المساس بأى مصرى، ونحارب عشان لا يؤذي أى مصرى وعشان مصر تفضل مصر وهتفضل مصر، أنا مش هقدر أقول كلام جميل زى اللى قلتوه كلكم".
وقال السيسى: "الضباط اللى انتو شايفنهم دول والطلبة.. الدم اللى فى عروقهم بيحب مصر، ونحن لاننسى ولن ننسى شهداء رفح، لازم يكون عندنا أمل وثقة كبيرة فى بكرة، وبكرة تشوفوا مصر وهيا أم الدنيا وهتبقى أد الدنيا، وكل عام وأنتم بخير".

اقرأ المقال الأصلي علي بوابة الوفد الاليكترونية الوفد - السيسي: متخافوش على مصر